Tragjedi pas ndeshjes së basketbollit në Itali: Shoferi i autobusit humb jetën pas sulmit nga tifozët

Një ngjarje e rëndë ka tronditur botën e sportit në Itali pas ndeshjes së Serie A2 mes Pistoias dhe Sebastiani Basket Rieti. Mediat italiane raportojnë se autobusi që transportonte tifozët e Pistoias u sulmua me gurë nga disa tifozë vendas, duke shkaktuar vdekjen e shoferit të dytë.

Ngjarja ndodhi pas përfundimit të ndeshjes së luajtur në PalaSojourner. Autobusi po largohej nga stadiumi dhe po shoqërohej nga policia në kryqëzimin e autostradës Rieti-Terni, kur disa tifozë të Sebastiani Basket Rieti nisën ta sulmonin me gurë dhe sende të tjera. Një gur goditi xhamin e përparmë në nivelin e sediljes ku ndodhej shoferi i pasagjerëve, duke i shkaktuar vdekjen.

Sebastiani Basket Rieti reagoi menjëherë me një deklaratë, duke u distancuar plotësisht nga akti i dhunës dhe duke shprehur ngushëllimet e thella për familjen e shoferit të ndjerë. Klubi e konsideroi ngjarjen si “akt të patregueshëm” dhe tërësisht jashtë vlerave të sportit.

Edhe Federata Italiane e Basketbollit (FIP) i ka shprehur ngushëllimet familjes së viktimës dhe njoftoi se do të monitorojë nga afër zhvillimet ligjore për të marrë masat e nevojshme.

Ngjarja ka tronditur komunitetin sportiv italian dhe rikujton rrezikun që sjell dhuna e tifozëve, jashtë fushës së lojës.